MANIFESTO DO PSOE CON MOTIVO DO 8 DE MARZO DE 2024, DÍA INTERNACIONAL DAS MULLERES
As e os socialistas apostan por realizar investimentos en igualdade para avanzar como sociedade
Ourense, 8 de marzo de 2024. O Como cada 8 de marzo, Día Internacional das Mujeres, o Partido Socialista súmase a esta xornada de reivindicación e loita. O feminismo é consubstancial á democracia. Só avanzando en igualdade entre mulleres e homes, e na consecución da plena cidadanía das mulleres, conseguiremos que a nosa sociedade avance de maneira digna e xusta.
Neste 2024 o lema elixido polas Nacións Unidas é “Investir nas mulleres: acelerar o progreso”. Non se pode progresar sen a metade da poboación, que son as mulleres, nin á conta delas. Tal como expresa Nacións Unidas, “a igualdade de xénero é o maior desafío actual en materia de dereitos humanos”. Ademais, “o progreso das mulleres é un factor que beneficia a toda a sociedade”. O feminismo é unha proposta igualitaria e emancipadora que apela ao conxunto da sociedade. É o noso compromiso seguir impulsando os avances que consigan alcanzar unha sociedade mellor, máis equitativa, en definitiva, máis democrática.
O PSOE é un partido feminista e así o declaramos nas resolucións do 39 e do 40 Congreso. Sempre da man do movemento feminista, convertemos reivindicacións en realidades a través da acción política e lexislativa.
Hai quen pretende volver ao pasado e reverter as conquistas da loita feminista. Hai quen mesmo negan a violencia de xénero. Pero as e os socialistas estaremos enfronte. Non imos permitir que rompan os consensos que tanto nos custou conseguir. Traballaremos sen descanso para amplialos e fortalecelos, porque só coas grandes maiorías poden consolidarse dereitos e avances. Quen nega a violencia de xénero, quen rompe os consensos, están a negar a democracia.
O reto máis importante da democracia no século XXI é acabar coa desigualdade entre homes e mulleres, e co seu máis salvaxe expoñente, a violencia machista.
Non hai nada máis prioritario na axenda dun Estado que se queira mirar a si mesmo con dignidade que terminar coa violencia de xénero, acabar coa violencia machista en todas as súas manifestacións. É imprescindible renovar o gran logro social e político que supuxo o Pacto de Estado contra a Violencia de xénero, e axuntar esforzos e recursos para previr esta violencia e para atender ás sobreviventes.
Para o PSOE a participación na vida pública e a independencia económica son claves para a emancipación das mulleres. En decembro de 2023, había case 9,9 millóns de mulleres traballando, o que supón o 47,3% do total, case a metade, a máxima porcentaxe alcanzada na serie histórica. Comparándoo con niveis prepandemia, o emprego feminino ha crecido 3 puntos máis que o emprego dos homes.
Co goberno de Pedro Sánchez, grazas entre outras medidas á reforma laboral de 2021, agora temos máis emprego, de maior calidade e máis estable. O aumento do Salario Mínimo Interprofesional ata os 1.134 euros (14 pagas/ano) en 2024 tivo un impacto especialmente positivo para as mulleres, xa que, como indica UXT, do total de persoas perceptoras en 2023, seis de cada dez son mulleres, polo que foi un factor decisivo á hora de reducir a brecha salarial de xénero.
Con todo, aínda queda moito por facer para alcanzar a igualdade real e efectiva entre mulleres e homes en materia de emprego e de coidados. Alcanzar a paridade na toma de decisións e acabar coa brecha salarial, acabar coa parcialidade involuntaria á que ven abocadas moitas mulleres. É imprescindible fomentar os servizos de coidados desde o público para facilitar que a maternidade non penalice ás mulleres no mercado laboral, porque sobre elas recae o peso dos coidados. As consecuencias deste feito non se miden só en termos de renda presente, senón que tamén condicionan as pensións futuras.
Unha vez máis, os datos alertan da profunda asimetría nos usos do tempo de mulleres e homes. Segundo a recente enquisa do CIS as mulleres dedican ás tarefas do fogar 172 minutos (case 3 horas) de media ao día, e eles 127 minutos; as mulleres dedican 6,7 horas aos seus fillos, os homes ocupan case a metade: 3,7 horas do seu tempo.
Por iso, para conseguir a igualdade efectiva hai un elemento crave: Modificar os usos do tempo. Porque a asimetría nos usos do tempo actúa en detrimento do desenvolvemento non só profesional e formativo, senón tamén persoal, das mulleres. Menos tempo para dedicalo á formación, ao estudo e ao emprego, pero tamén ao coidado persoal ou ao lecer.
Para as e os socialistas é imprescindible desterrar a idea que tradicionalmente asocia ás mulleres cos coidados.
Somos tamén moi conscientes das maiores dificultades que enfrontan as familias monoparentais (encabezadas en máis dun 80% por mulleres); as mulleres rurais, con maior dispersión de recursos e máis dificultades de acceso a eles; as mulleres con discapacidade ou migrantes, atravesadas por diversas discriminacións que aumentan a súa vulnerabilidade.
Por todas e cada unha delas a loita do partido socialista en prol da igualdade e a xustiza social é incesante, desde unha aposta política paritaria onde as políticas de igualdade deben ser transversais e impregnar o conxunto das nosas actuacións. Hoxe 8 de marzo, o Partido Socialista segue reivindicando a necesidade de unir forzas polo avance e contra a regresión. Por todo o que levamos percorrido, e polo camiño que queda por facer.
PSdeG-PSOE de Ourense 