AS E OS SOCIALISTAS ALERTAN DE QUE A NOVA REFORMA DO TRANSPORTE URBANO ANUNCIADA POLO ALCALDE É UN RECORTE ENCUBERTO DAS LIÑAS
O Grupo municipal socialista solicita a publicación e exposición pública do novo mapa de liñas e un periodo piloto transitorio para avaliar o servizo e corrrexir deficiencias antes de consolidalo
A voceira socialista, Natalia González, manifesta que “o transporte público é un servizo esencial e debe deseñarse con rigor, transparencia e pensando nas necesidades dos usuarios e usuarias”
Ourense, 2 de septiembre do 2025. O GMS alerta do caos no transporte urbano co novo mapa de liñas de Jácome. A reforma das liñas de autobús urbano anunciada polo alcalde Gonzalo Pérez Jácome, prevista para entrar en vigor o 16 de setembro, supón un recorte encuberto que vai provocar un auténtico caos na mobilidade da cidade en plena “volta ao cole”.
As e os socialistas esiximos no dia de hoxe ao goberno local de DO:
• A publicación inmediata dun estudo técnico serio.
• Un mapa comparativo completo de liñas actuais e novas.
• A apertura dun proceso de participación cidadá.
• Un período piloto transitorio, que permita avaliar e corrixir o servizo antes de consolidalo.
Actualmente, Ourense conta con 27 liñas diúrnas e 2 nocturnas, ás que se engaden servizos especiais. O novo deseño reduce a rede a só 20 liñas, mantendo apenas 3 das actuais. Isto significa unha perda clara de cobertura en barrios e núcleos rurais, deixando a milleiros de veciños e veciñas sen alternativas reais de transporte público.
A maiores, o Concello asegura que se mellorarán frecuencias, pero non haberá máis autobuses nin máis condutores, o que fai imposible garantir un servizo de calidade. Sen reforzo de recursos, é unha promesa irreal que só xera máis desconfianza.
O máis grave é que non existe ningún estudo de necesidades e de demanda que avale esta decisión. Trátase dunha reforma improvisada, sen datos técnicos, sen participación da cidadanía e sen diálogo cos colectivos sociais, veciñais ou laborais.
O transporte público é un servizo esencial e debe deseñarse con rigor, transparencia e pensando na xente.
PSdeG-PSOE de Ourense 