Cando hai razón, hai xustiza. Onte no Supremo, hoxe na Praza de Abastos.
En Ourense, a 25 de febreiro de 2026.
As socialistas de Ourense queremos trasladar todo o noso apoio ás praceiras e praceiros da Praza de Abastos de Ourense, despois de que a xustiza aceptase as medidas cautelares solicitadas e frease o desaloxo forzoso que pretendía impor o Concello de Ourense.
Esta decisión xudicial confirma o que as socialistas levamos meses defendendo: non se pode obrigar a traballar nun edificio sen rematar, sen garantías e sen condicións mínimas, xogando co sustento de familias enteiras.
Hai unha mensaxe clara nestes dous días consecutivos: Onte, as socialistas gañamos no Tribunal Supremo fronte aos abusos e á vulneración de dereitos fundamentais. Hoxe, gañan as praceiras e praceiros fronte á improvisación, a prepotencia e a falta de diálogo do goberno municipal.
Non é casualidade. É a mesma lóxica: cando se actúa con razón, con dereitos e con dignidade, a xustiza responde.
Desde o primeiro momento estivemos ao lado das praceiras e praceiros: defendendo que non pode haber traslados forzosos a instalacións inacabadas, esixindo diálogo real e solucións pactadas e reclamando que as administracións deixen de facer anuncios e fotos e asuman responsabilidades.
Para as socialistas de Ourense a Praza de Abastos é moito máis ca unha obra: é emprego,é comercio de proximidade e é cidade viva.
Hoxe a xustiza puxo freo ao despropósito. Agora toca facer o que nunca se debería ter deixado de facer: escoitar, respectar e rematar ben as cousas.
As socialistas seguiremos estando onde sempre estivemos: cos dereitos da veciñanza
PSdeG-PSOE de Ourense 