CONGRESO SOCIALISTAS OURENSÁNS NAS INSTITUCIÓNS

Uxía Tizón, nova deputada no Congreso

Ourense, 25 de marzo de 2020. O Congreso dos Deputados conta desde hoxe mércores cunha nova representante do PSdeG-PSOE pola provincia ourensá. Uxía Tizón Vázquez (Ourense, 1989) tomou posesión do seu escano nun pleno celebrado para o debate e convalidación de varios reais decretos-lei aprobados polo Goberno central ó longo das últimas semanas.

A deputada asegura que comeza esta nova etapa nas Cortes Xerais con “moita ledicia e ilusión” a pesar de que estamos ante “tempos moi difíciles e complicados nos que a sociedade está sufrindo un problema como o coronavirus”. “Teño ganas de traballar e mellorar a vida de todos os cidadáns” co fin de “escoitar os seus problemas e necesidades” polo que “precisamos que pase todo isto para realizar estas labores con normalidade”. “Empezo con moita forza para mellorar todo o que os cidadáns de Ourense precisen”, destaca Tizón.