A MINISTRA DE TRANSPORTES MOBILIDADE E AXENDA URBANA, RAQUEL SÁNCHEZ, ANUNCIA EN OURENSE QUE DENDE O MARTES 23 XA SE PODERÁN MERCAR BILLETES PARA A LAV MADRID-GALICIA, QUE COMEZARÁ A OPERAR CON PASAXEIROS O 21 DE DECEMBRO
A ministra informou sobre o substancial recorte nos tempos de viaxe entre Galicia e Madrid: desde Ourense verase reducido en 1 hora e 28 minutos
Ademais, a responsable de Mitma anunciou o aumento moi significativo do número de servizos a Galicia, o que permitirá unha maior conectividad co centro peninsular
A titular do Departamento destacou que estas melloras non terminarán aquí, dado que nunha segunda fase coa chegada dos trens Avril, que permitirán velocidades de 330 qm/h, reduciranse en 20 minutos máis os tempos de viaxe anteriores
Madrid, 22 de novembro de 2021. A ministra de Transportes, Mobilidade e Axenda Urbana, Raquel Sánchez, asistiu hoxe á viaxe de probas do tren de alta velocidade entre Madrid e Ourense onde anunciou que desde mañá xa se poderán comprar billetes para a LAV Madrid-Galicia, que comezará a operar con pasaxeiros o próximo 21 de decembro de 2021, cumprindo co compromiso adquirido.
Raquel Sánchez estivo acompañada polo presidente de Galicia, Alberto Núñez Feijóo; o presidente de Castela e León, Alfonso Fernández Mañueco; polo delegado do Goberno en Galicia, José Miñones; e polos principais responsables de Mitma, a secretaria de Estado, Isabel Pardo de Vera; o secretario xeral de Infraestruturas, Sergio Vázquez; a presidenta de Adif, Maria Luisa Domínguez; e polo presidente de Renfe, Isaías Táboas.
O tramo probado hoxe entre Pedralba de la Pradería (provincia de Zamora) e Ourense, de 119,4 km de lonxitude, supuxo un investimento aproximado de 2.965 millóns de euros e dá continuidade ao tramo posto en servizo hai pouco máis dun ano entre Zamora e Pedralba de la Pradería.
Desta forma, complétase a conexión entre Madrid e Galicia na que o Estado investiu máis de 9.000 millóns de euros nos últimos 16 anos. Raquel Sánchez, na súa intervención, fixo fincapé en que o inicio das circulacións comerciais e unha nova oferta de servizos mellorará a conexión de Madrid con todas as provincias galegas de forma substancial.
Recorte nos tempos de viaxe
A ministra, sobre o recorte nos tempos de viaxe entre Galicia e Madrid, informou que o maior aforro de tempo producirase no tronco da liña e, por iso, desde Ourense verase reducido en 1 hora e 28 minutos.
Desde a capital ourensá, e grazas á posta en servizo deste novo tramo, os trens mellorarán os seus tempos de viaxe ao resto de localidades galegas respecto de Madrid, de forma que: os trens de Vigo e Pontevedra recortarán os seus tempos actuais en 54 minutos; os de Santiago, 1 hora e 4 minutos; os da Coruña, 1 hora e 3 minutos; e os trens a Lugo acurtarán en 57 minutos a duración a súa viaxe.
Desta forma, os novos tempos de viaxe desde as principais cidades galegas con Madrid quedarán da seguinte maneira:
- Ourense-Madrid: 2:15 h
- Vigo-Madrid: 4:16 h
- Pontevedra-Madrid: 4:00 h
- Santiago-Madrid: 3:20 h
- A Coruña-Madrid: 3:51 h
- Lugo-Madrid: 4:46 h
Estas melloras nos tempos non quedarán aquí, como subliñou a ministra, dado que nunha segunda fase reduciranse noutros 20 minutos máis coa chegada dos trens da serie 106 de Talgo, coñecidos como Avril, que permitirán velocidades de 330 Km/h. Trátase dos trens máis modernos da compañía e disporán de ancho variable, o que lles permitirá chegar a todas as capitais galegas.
Nova oferta de servizos na conexión Galicia-Madrid
Raquel Sánchez puxo en valor que as melloras na conexión de Galicia co centro peninsular tamén afectarán á nova oferta de conexións, cun aumento moi significativo do número de servizos, o que permitirá unha maior conectividad co centro peninsular.
Desta forma, detallou que os servizos diarios por sentido a cada unha das principais localidades quedarán do seguinte modo:
- Ourense, Santiago y A Coruña verá incrementada a oferta de 6 a 10.
- Vigo duplicará a súa oferta actual e os seus servizos diarios por sentido pasarán de 4 a 8.
- Os servizos a Pontevedra pasarán de 5 a 7.
- Lugo gaña un novo servizo diario por sentido, pasando de 3 a 4.
Presupostos 2022 de Mitma para Galicia
A titular do Ministerio tamén fixo un balance do que suporán os orzamentos previstos por Mitma para 2022 en Galicia, onde destacou o incremento de investimento dun 33,7% con respecto ao ano pasado, superando os 890 millóns de euros.
A ministra manifestou que case a metade deste investimento irá destinada ao ferrocarril, de maneira que cos case 420 millóns de euros poderase seguir materializando a modernización ferroviaria de Galicia con actuacións como:
- A variante de Ourense, onde Mitma licitou dous tramos dende Taboadela por máis de 127 millóns de euros.
- Renovación das liñas Ourense-Lugo, Cudillero-Ferrol e a conexión con León.
- As estacións intermodais de Vigo, Ourense, A Coruña e Santiago, na que se acaba de adxudicar a obra del novo edificio de viaxeiros por máis de 30 millóns de euros.
Ademais, os PGE-2022 tamén contemplan dotación para continuar os estudos de:
- A saída sur de Vigo, que da continuidade ao Eixo Atlántico cara Portugal e mellora a súa conexión con Oporto.
- O baipás de Betanzos na liña Coruña-Ferrol.
- A nova liña Ourense-Vigo por Cerdedo, en Pontevedra.
A ministra realizou un capítulo aparte co Corredor Atlántico de mercadorías; onde Mitma conseguiu a inclusión da rede ferroviaria galega na última revisión do Regulamento que regula o financiamento dos Corredores Europeos co que, desde xullo deste ano, o eixo A Coruña-Vigo-Ourense-León pertence de pleno dereito ao Corredor Atlántico.
Isto significa que se vai a poder optar á axuda comunitaria para desenvolver actuacións deste Corredor, que nos PGE 2022 ten unha dotación de máis de 1.400 millóns de euros. Raquel Sánchez, desta forma, ratificou que tanto o Corredor Atlántico como o Mediterráneo responden a unha estratexia de país para mellorar a nosa conexión ferroviaria co resto de Europa, de forma equilibrada en toda a península ibérica.
Aposta de Mitma pola mobilidade en Galicia
Por último, a ministra mostrou a aposta clara do Ministerio pola mobilidade en Galicia, e mencionou a partida consignada de 53 millóns de euros para o financiamento dos servizos ferroviarios declarados OSP en Galicia. Adicionalmente, a titular do Departamento tamén se referiu á transferencia que Mitma vai realizar á Xunta este 2021, de case 67 millóns de euros para descarbonizar e dixitalizar a mobilidade metropolitana galega e impulsar a transición enerxética do transporte profesional por estrada en Galicia.
PSdeG-PSOE de Ourense 