O PSDEG-PSOE SOLICITA Ó EXPEDIENTE DO ACORDO ASINADO ENTRE A DEPUTACIÓN DE OURENSE E ‘LA REGIÓN’ PARA ANALIZAR O PROCEDEMENTO E A VALORACIÓN DOS FONDOS
Os socialistas, que comprenden a importancia histórica do arquivo, denuncian o escuro procedemento empregado para asinar un acordo desta magnitude, marxinando á oposición
“A Deputación, que alardea de ser a mais transparente do universo, agochou o acordo ata que a Baltar, o campión da transparencia, non lle quedou mais remedio que sair á palestra”, critica Francisco Fraga
Ourense, 30 de maio de 2017. O PSdeG-PSOE solicitou esta mañá toda a documentación do acordo asinado entre a Deputación de Ourense e o grupo de medios ‘La Región’, para comprar o seu arquivo histórico por 2,7 millóns de euros. Os socialistas comprenden a importancia destes fondos, que recollen a historia da provincia durante o último século e que tamén inclúe achegas de importantes literatos galegos mais coidan necesario analizar a taxación realizada e o estraño procedemento empregado para formalizar a operación.
O PSdeG-PSOE denuncia a sombría artimaña artellada polo PP para asinar este acordo, agochando o destino da partida orzamentaria e negándose a repostar ás preguntas sobre o destino deses fondos para “proxectos culturais complexos” que os socialistas plantexaron en privado e, tamén, en comisión.
O portavoz provincial, Francisco Fraga, asegura que “é unha cifra moi elevada e por iso queremos estudar polo miúdo a taxación dos fondos e a negociación seguida para asinar o convenio con tantas implicacións”. “A Deputación, que alardea de ser a mais transparente do universo, agochou o acordo ata que Democracia Ourensana destapou a sinatura e a Baltar, o campión da transparencia, non lle quedou mais remedio que sair á palestra”, critica. Fraga recorda que unha das principais funcións da Deputación é axudar ós concellos que, falando precisamente deste asunto, teñen os seus arquivos en moi mal estado polo que deberían recibir de inmediato un trato similar.
Na solicitude presentada no rexistro, o portavoz socialista explica que tendo coñecemento, a través dos medios de comunicación, da sinatura dun convenio para a adquisición por parte da Deputación Provincial do arquivo do grupo ‘La Región’, solicito acceso ó expediente completo de devandito convenio.
PSdeG-PSOE de Ourense 